DAYÊ

Dayê - HELBEST

Jiyana dilê min dayê 

Bê te sebramin qet nayê

Welat berdam ketime rêya

Şev û rojê dikevim tayê

Birîna dilê min pir kûre

Rêya Zîlan gellek dûre

Zimanê min qut dimîne

Carna dike zûre zûre

Payîz çû havîn dûre

Zivistan li hêsîra zore

Gava mirov dûr dikeve

Cemed digire hawerdore

Dikim gazî dengê min nayê

Ez çi bikim ji vê hewayê

Ji çavên te ez dûr ketim

Dikim nakim xhewam nayê

Hewar dayê ev çi ware

Ne rojeke ne yek care

Li mazlûma rê digire

Ji xayina re wek yare

Carna dikevim pir bê halim

Li wir xortbûm li vir kalim

Li derê xelkê li ser rêya

Pêxwas mame bê şekalim

Ezê bêm wan çol û çiya

Bigherim li nav gund û giya

Bi destê dayika xwe bigirim

Emê herin nav zevîya

Ev dilêmin bes naliya

Hendik maye bikeve rêya

Gava hesret ser hilbide

Ew narêne li behr û çiya

Ne tirs dayê ezê werim

Li wî warî ezê vegerim

Bi gul û sosinên çiya

Lider û dora te bigerim

Lê lê dayê roj li min tenge

Havîn çû payîz bê denge

Şahîya dilêmin qediya

Hatina min ne derenge

M. Selami DEMİR